- Hərracda iştirak etmək istəyən istifadəçi elektron hökumət portalında yerləşən  Əmlak Məsələləri Dövlət Komitəsinin rəsmi  elektron xidmətlər bölməsinə daxil olur. Portalda “Müsadirə edilmiş, sahibsiz qalmış, vərəsəlik hüququ əsasında dövlət mülkiyyətinə keçən əmlakların satışı” bölməsini tıklayır.

         - İstifadəçi E-hökumət portalına  aşağıdakı giriş vasitələrindən birini seçməklə daxil ola bilər:

1.Rabitə və Yüksək Texnologiyalar Nazirliyi tərəfindən verilmiş elektron imza kartı ilə daxil olma;

2. ASAN imza ilə daxil olma;

3.Elektron hökumət sistemi tərəfindən vətəndaşa verilmiş istifadəçi adı və şifrə ilə daxil olma;

4.Smartfon və planşetlər   üçün mobil autentifikasiya sertifikatı ilə daxil olma;

5.Smartfon vasitəsilə daxil olma.

- Elektron hökumət portalına  daxil olduqdan sonra dövlət mülkiyyətinə keçən əmlakların satışı üzrə  hərraclar  bölməsində yerləşən aktiv hərraclardan biri seçilir.

- Seçilmiş əmlak barədə məlumat əldə etmək üçün “Ətraflı” düyməsindən istifadə olunur.

- Sonrakı  mərhələdə ekranda  hərracda iştirak qaydaları barədə məlumat görünür. İstifadəçi ekranda açılan “Hərracda iştirak qaydaları” ilə tanış olduqdan sonra  davam etmək üçün “Razıyam”  rejimi seçir.

 - Seçilmiş əmlak barədə ətraflı məlumatla tanış olduqdan sonra  “Sifariş ver” düyməsi tıklanır.

- İstifadəçi ekranda açılan  “Sifariş” blankındakı məlumatların düzgünlüyünü yoxladıqdan sonra “Beh ödə” düyməsi vasitəsilə növbəti səhifəyə keçir.  

- Açılan səhifədə ödəniləcək məbləğ və kartın tipi qeyd edildikdən sonra “İrəli” düyməsi tıklanır.

- Növbəti mərhələdə xidmət haqları ilə tanış olduqdan sonra istifadəçi “Ödəyirəm” düyməsini tıklayır.

-   Ekrana gələn  səhifədə plastik kartdakı məlumatlar müvafiq xanalara daxil edilir və “İrəli” düyməsi seçilir.

- Əməliyyat uğurla başa çatdıqdan sonra onlayn ödəmə yolu ilə 10 faiz behin ödənilməsi barədə istifadəçiyə təsdiqetmə bildirişi təqdim edilir.